ЭЗИР-ООЛ МОНГУШТУҢ ЧЫРЫК АДЫНГА

События
2019-03-18 07:44:10
 
 
  Бөгүн турган болза Тываның чоннуң артизи Эзир-оол Сумуяевич Монгуш 55 харлаар турган. Ол 1986 чылда Гнесиннер аттыг күрүнениң хөгжүм училищезин дооскандан бээр, 30 ажыг чылдар иштинде Тываның Виктор Көк-оол аттыг театрының көрүкчүлеринге бараан болуп келген. Эзир-оол Сумуяевичтиң уран-талантызы тыва театрның янзы-бүрү шиилерин каастаан. Ооң кол рольдарының аразында “Хайыраан ботта” Кенден-Хуурактың ролю, “Эзоп” деп шииде Эфиоптуң, “Деңгерлерниң айбычызында” Панталонениң, “Кым сен, Сүбедейде” Чингис-Хаанның, «Кара-Дагның казыргызында» Самбажыктың, «Эгил, эжим, эгил!» - Шоо-Борунүң, “Алдан дургун” деп кинога Сенгениң ролю дээш оон-да хөй. 
 Эзир-оол Сумуяевич бистиң аравыста чок-даа бол, ооң уран-талантызының мөгейикчилери ам-даа бар. Чонунуң хүндүткелдиг, ынак артизиниң чырык адынга тураскааткан кежээ Тываның национал хөгжүм-шии театрынга апрель 6-да болуп эртер. Аңаа Тываның чоннуң артизиниң ойнап чораан шиилеринден үзүндүлерни, ырлап чораан ырыларын артист эш-өөрү чонга бараалгадыр. 
 
Назад к списку

Поделиться в социальных сетях:

Просмотров: 38

Баннеры

ЕПГУ

Мы в Контакте

Опрос

Схема проезда

Счетчик Спутник

Википедия

ОФИЦИАЛЬНЫЙ САЙТ для размещения информации о государственных (муниципальных) учреждениях

2019 год — Год театра в России

Культура. Гранты России