Октябрь 22-ден 26-га чедир театрның артистери болгаш ажылдакчылары Бай-Тайга кожуунга гастрольдап четкеннер. Тываның уран чүүлүнүң алдарлыг ажылдакчызы Марина Идамның тургусканы «Хары черде өпей ыры» Бай-Тайганың Кара-Хөл сумузундан эгелээш Бай-Тал, Шуй, Кызыл-Даг, Хемчик, Тээли чедир бараалгап көргүскеннер.

Шииден аңгыда кожууннуң школаларынга артистер-биле ужуражылгалар болгаш мастер-класстар болуп эрткен. Театр артистерин болгаш ажылдакчыларын суму бүрүзү чылыг-чымчак хүлээп, хостуг олут чок кылдыр көргүзүгнү сонуургап көрүп турары өөрүнчүг.

Тываның Виктор Көк-оол аттыг национал хөгжүм-шии театрының өмүнээзинден бүгү-ле Бай-Тайга кожууннуң чонунга улуу-биле четтиргенивисти илередип тур бис.