С 29 ноября по 3 декабря в Абакане проходит семинар для драматургов “Нацдрам-5”. Мероприятие проходит в рамках программы поддержки начинающих драматургов Союза театральных деятелей Российской Федерации. Туву на семинаре представляют писатель и журналист Саяна Ондур, и участники Лаборатории современной драматургии для начинающих авторов Тувы - редактор литературной части Национального музыкально-драматического театра Тувы Кежик Конзай и учитель начальных классов Мугур-Аксынской средней школы Хураганмай Шыдыраа.

На семинар собрались опытные и начинающие драматурги из Республики Саха (Якутия), Республики Алтай и Тувы. Индивидуальные занятия позволяют перенять лучшие приёмы мастеров драматургии. Копирование лучших образцов – это тоже рост. Но на занятиях, конечно, вырабатывают и индивидуальный стиль каждого творца. Кроме семинарских занятий драматурги побывали в Национальном музее Хакасии им. Кызласова и заповеднике “Хуртуях Тас”. Вечера участников семинара занимают постановки театра “Читiген”.

Надеемся, что обучение у именитых мастеров драматургии станет подспорьем для начинающих тувинских драматургов и даст им импульс для дальнейшего творчества.

_________________________________________________

Ноябрь 29-тан декабрь 3-түң хүнүнге чедир Россия Федерациязының театр ажылдакчыларының Эвилелиниң программазы езугаар “Драматургтар семинары “Нацдрам-5” деп семинар Хакас Республиканың төвү Абакан хоорайда болуп эртип турар. Ук семинарда журналист, чогаалчы Саяна Өндүр, В. Көк-оол аттыг национал хөгжүм-шии театрының чогаал кезээниң редактору Кежик Коңзай база Мөңгүн-Тайга кожууннуң Мугур-Аксы ортумак школазының эге класстар башкызы Хураганмай Шыдыраа киржип турар. Кежик Конзай биле Хураганмай Шыдыраа Тываның эгелеп чоруур чогаалчыларынга шии чогаалынга лаборатория деп төлевилелдиң киржикчилери.

Семинарның киржикчилери эртенги шактарда арга-дуржулгалыг драматург башкылар-биле тус-тузунда кичээлдеп, шии бижиириниң янзы-бүрү аргаларын шиңгээдип ап турарлар. Оон аңгыда олар Абакан хоорайның “Хуртуях Тас” болгаш Л. Р. Кызласов аттыг национал музейлеринче аян-чорук кылып, кежээки шактарда “Читiген” театрынга шиилерни көрүп турарлар. Чылдың болуп эртип турар семинарларга Россияның аңгы-аңгы регионнарындан аныяк болгаш улуг назылыг-даа драматургтар киржип кээп турарлар. Бо удаа аңаа Саха (Якут) Республикадан, Алтай Республикадан база Тывадан аныяк авторлар киришкен.

Чаа эгелеп чоруур аныяк бижикчилеривис, чогаалчыларывыс арга-дуржулгазы улуг башкылар-биле кичээлдеп, олар-биле кады ажылдаанының түңнелинде, дуржулгазы улгадып, мергежили бедип кээр дээрзинге бүзүрээр бис.