Башкы училищезинде ажылдап, ооң сургуулдарынга төрээн дылының дугайында билиглерни берип чоруур Валентина Шыдырааевна Монгуш театрны бо хун чалаан.

Кызылдың башкы училищезинге бо хүн Тываның Улустуң артизи Надежда Наксыл биле Тыва национал театрның чогаал кезээниң редактору, ТР-ниң Чогаалчылар эвилелиниң Баштаар чериниң кежигүнү Кежик Коңзай аалдап четкен.

Келир үеде өзүп олурар салгалдарны өөредир, оларга билиглер бээр дээш хүндүткелдиг башкы мергежилинде өөренип чоруур сургуулдар Надежда Наксылдың болгаш Кежик Коңзайның санал-бодалдарын, дуржулгазын сонуургап дыңнаан.

Удавас келир байырлалывыс, ноябрь 1-де тыва дыл хүнү таварыштыр төрээн дыл дугайында сургуулдар-биле таарымчалыг ужуражылга болуп эрткен.