«Хары черде өпей ыры» Бай-Тайга кожууннуң сумуларын эргип турар үеде, Алексей Ооржактың тургузуп салганы «Индияның иези» | «Кайда сен, ачай?» деп чаңгыс көжегелиг ийи шиилери Тываның чөөн талазында чонунга көргүзүп, барып четкен.
База-ла октябрьның 22-ден 26-га чедир театрның артистери болгаш ажылдакчылары Чөөн-Хемчик кожууннуң Шеми сумузу, Чадаана хоорайы, Өвүр кожууннуң Хандагайты, Солчур болгаш Чаа-Хөлдүң бодунга көргүзүглерин чонунга бараалгаан.
«Бөгүн Хандагайтыга болган Тыва национал театрның артистериниң шиизин улуг сонуургал-биле көрдүвүс. Артистеривиске четтирдивис, ырак-узак кожууннуң чонунга бараан болуп келгенинге. Дыка солун шии болду, карак чажы бадып турар», - деп көрүкчүвүс бодалдары-биле үлешкен.
Солчур сумузунуң ниити ортумак школазының 5-ки класстың өөреникчилеринге Тываның алдарлыг артизи Надежда Ооржак ужуражылганы база кылган. Тываның Виктор Көк-оол аттыг национал хөгжүм-шии театрынга четтиргенин илередип Солчур сумузунуң, Өвүр болгаш Чөөн-Хемчик кожууннарның чагыргазы өөруп-четтириишкин бижиктерин сунган.